Cikar Kwanaki 100 A Offis: Zulum Ya Gabatar Da Sakamako 77

Gwamnatin jihar Borno ta ce ta aiwatar da ayyuka 77, wannan na zuwa ne gab da shirye-shirye nuna wasu muhimman ayyuka a cikin kwanaki 100 a ofis da gwamnar jihar yayi. Bugu da kari kuma  wannan shine karo na biyu da Gwamna Zullun yake kan karagar mulkin jihar,Sakataren gwamnatin jihar, Bukar Tijjani, ya fitar da katin makin na kwanaki 100 a kan karagar mulki ranar Litinin a Maiduguri. A cewarsa, Zulum ya gudanar da ayyuka 10 a fannin ilimi wadanda suka hada da makarantun Mega uku, daukar malamai 4,000, gina gidajen malamai 30 da kuma biyan kudin tallafin karatu ga dalibai 14,284 a Najeriya da wasu 30 da ke karatu a kasashen waje. A fannin kiwon lafiya, sakataren gwamnatin jihar ya ce an samar da ayyuka biyar, wadanda suka hada da gina cibiyoyin kiwon lafiya guda hudu tare da kowannensu yana da karfin gadaje 30 da wuraren jinya. “Wadannan cibiyoyin kiwon lafiya su ne na matakin farko,a Limankara da ke Gwoza, Kaleri a Mafa, Zarmari a Konduga da Shuwari II a MMC, su ne wanda mataimakin shugaban kasa Kashim Shettima ya kaddamar a ranar Juma’a. Tijjani ya kuma yi bayani kan fitar da Naira biliyan 2 domin biyan basussuka ga ma’aikatan gwamnati kuma an rubanya kudaden gratuti a duk shekara zuwa Naira biliyan 2.4 don magance koma bayan kudaden gratuti da ake bin ma’aikatan da suka yi ritaya. An kuma fitar da Naira Biliyan 1 a matsayin karin tallafi ga wadanda bala'in gobara a kasuwar Maiduguri ya rutsa da su. Dangane da ababen more rayuwa, Mista Tijjani ya ce gwamnatin ta gina tituna a cikin garin Monguno, Waka-Biu da Maiduguri, yayin da a karkashin tsaro aka samar da motocin sintiri 50 da babura 300 domin samar da kayan tsaro. “A gameda sufuri, akwai  motoci guda 30, da bas guda 25 da aka ware wa ma’aikatan gwamnati. Akwai kuma sayan kekunan lantarki guda 3,000. A kan harkar noma, akwai sayan garma da harrow guda 471 ga tararaktoci 312 da aka ware wa gamayyar kungiyoyin manoma a fadin unguwanni 312 da ke kananan hukumominmu 27. Sanarwar ta kara da cewa, “akwai kuma rabon tirela 100 na takin zamani ga manoma a fadin jihar, da kuma raba abincin dabbobi ga manoma 300 a kananan hukumomin Jere, Konduga da Mobbar.” A fannin bayar da agajin jin kai, ya ce an bayar da tallafin jin kai ga gidaje 120,000 a fadin Gwoza, Maiduguri, Jere, Kukawa, Mafa, Bama da Damboa, yayin da aka bai wa ‘yan gudun hijira 500 gidaje a Molai 500 gidaje. “Ha walau akwai niyyan cigaba da wasu ayyauka a jihar Borno da Gwamna zullum ke da muradin yi domin inganta rayuwar al'ummarsa.