An Nada Sabon Shugaban Taron Shugabanni Na Jam'iyyar Apc

Babban taron shuwagabanni na jam’iyyar All Progressives Congress (APC) sun zabi kakakin majalisar dokokin jihar Kwara,Yakubu Danladi-Salihu, a matsayin shugaban kungiyar. Hakan ya zo ne a wata sanarwa da babban sakataren yada labarai na kakakin majalisar, Sheu Abdulkadir ya sanar ranar Asabar a jihar Ilorin. Wadda a wurin taron ne aka sanar da Danladi-Salihu a matsayin sabon Shugaban kungiyar bayan an gudanar da zabe na gaskiya da rikon amana. Haka kuma sauran zababbun jami’an taron sun hada da Moses Odunwo daga Ebonyi– Mataimakin Shugaban; Chiroma Buba daga Yobe – Mataimakin Shugaban Arewa, da kuma Olamide Oladiji  daga jiihar Ondo – Mataimakin Shugaban, Kudu. Kana kuma sauran sun  sun hada Elvert Ayambem (Cross Rivers) – Ma’aji da Yusuf Liman (Kaduna) – Sakataren Kudi. A yayinda taron ya amince da muhimmiyar rawar da 'yan majalisar ke takawa wajen kiyaye ka'idojin dimokuradiyya da tabbatar da ingantaccen shugabanci. Ya kara da jaddada aniyar ta na kiyayewa da kuma tabbatar da ‘yancin cin gashin kan ‘yan majalisar dokoki a dukkan matakan gwamnati domin inganta shugabanci nagari wanda zai samar da cigaban Nijeriya.